Mu Bitaro bya Nemba habereye igitambo cya  Misa  cyo gusabira Padiri Rev.Fr Angel Echeverria Izu  wagize uruhare mu ishingwa ry'Ibitaro bya Nemba mu 1972 witabye Imana tariki ya 06/08/2026 mu Gihugu cya Espagne.

Igitambo cya Misa cyatuwe na Padiri Aumonier Ahishakiye Diogène cyitabiriwe n'Ubuyobozi bw'Ibitaro bya Nemba, Umuyobozi wa Medicus Mundi mu Rwanda Bwana Jean Damascène Munyagashubi, abakozi bakorera muri ibi Bitaro, abarwaza n'abaturage.

Padiri Angel yagize uruhare mu gushaka isoko  y'amazi iva ku musozi wa Kabuye kugirango amazi abashe kugezwa mu Bitaro bya Nemba.

Padiri Angel wagize uruhare mu ishingwa ry'Ibitaro by'Akarere bya Nemba

Yagize kandi uruhare mu bukangurambaga mu gushinga Medicus Mundi Navarra nk'Umufatanyabikorwa w'Ibitaro bya Nemba.

Umuyobozi Mukuru w'Ibitaro bya Nemba, Dr Mbonyintwari Donatien yasabye abakozi kwigira kuruhare runini Padiri Angel yagize mu gushinga ibi Bitaro.

Umuyobozi Mukuru w'Ibitaro by'Akarere bya Nemba Dr Mbonyintwari Donatien yasabye abakozi gutera ikirenge mu cya Padiri Angel

Umuyobozi wa Medicus Mundi mu Rwanda, Bwana Munyagashubi Jean Damascene yakomeje avuga ko Padiri Angel yagize uruhare runini mu kugabanya urugendo abaturage bakoraga bajya kwivuriza mu Bitaro bya Ruhengeri.

Umuyobozi wa Medicus Mundi mu Rwanda, Bwana Munyagashubi Jean Damascene agaruka ku bigwi bya Padiri Angel

I Bitaro by’Akarere bya Nemba byatashwe kumugaragaro tariki ya 04 Nyakanga 1974, bikaba bikomeje kugira uruhare runini mu kuvura abaturage bo mu Karere ka Gakenke ndetse n'Uturere bihana imbibi.

Gikwerere B.Patrick